බිය නැමති සුළං පහර ගතවටා දැවටෙමින් අතිශය තීරණාත්මක මොහොතක් පසුකරමින් සිටි ටිලෝ,මොරිස්,මයුරි,පෙඩී කිසිත් අදහාගත හැකිව වින්සන්ගේ සිරුරේ උඩු කොටස දෙස බලාගත්වනම උන්නේය.කාණු තුනේ තුවක්කුව නැවතත් ඉනේ ගසාගත් මොරිස් අන්ධකාරය වෙතට අත දිගුකර කිසිවක් පෙන්වන වින්සන්ගේ රත්පැහැගත් මුහුණ පලකරන රුදුරු හැඟීම තේරුම් ගැනීමට උත්සහ කලේය.
"ය.න්..න...ඉක්ම...න..ට"වචන කිහිපයකට සීමාවූ ඒ ජවාධික පෞරුෂත්වය යලි නෙයෙන ගමන් ගියේ පිරිස හට තවත් අද්භූත සිදුවීම් පෙළක් ඉදිරියේ ඇති බව පෙන්නුම් කරමිනි.
"මොරිස් අපි දැන් මොකද කරන්නෙ...මේ මනුස්සයගේ සිරුර මෙතනම දාලා යනවද"
මයුරි මියගිය වින්සන් හැඩිදැඩි සිරුර දෙස බලා සුසුමක් හෙලා නැවතත් තම පෙම්බරාගේ අතෙහි එල්ලුනාය.තම මවත් පියාත් තමන් මෙවන් බියජනක නිවාඩුවක් ගත කිරීමට පැමිණි වග දන්නවානම් සිදුවිය හැක්කේ කුමක්ද යැයි අනුමාන කිරීමටවත් නොහැකි තරමට ඇගේ සිත අවුල් ව ගොසිනි.
"මිනිහා ගෙ වචන...ඔව් ...මිනිහ කිව්ව විදියට අපි මෙතන රැඳෙන එක නුවණට හුරු නෑ.ටෙලෝ කරත්තේ සවලක් තියෙනවද"
"ඔව්,මොරිස් මහත්තයා,ඉන්න මම ඒක අරන් දෙනකන්"
ටෙලෝ දාබිදු නළලත පිසදාගනිමින් අශ්ව කරත්තයෙහි පසුපස කුඩා කොටසෙහි වූ දේ අතර සවලක් සොයාගැන්මට වැඩි වේලාවක් ගත නොවුණි.
"ඔයා මොනවද කරන්න හදන්නෙ මොරිස්,මුරණ්ඩු වැඩක් මේ වෙලේ කලොත් අඩන්න වෙන්නෙ අපිටමයි කියන එකත් අමතක කරන්නෙපා"
"මයුරි මම හදන්නෙ මේ මනුස්සයගේ ශරීරෙ වල දාන්න,නැත්නම් කැලෑ සත්තුන්ට කෑමක් වෙයි" මොරිස්ගේ කතාව අවසන කරත්තය දෙසින් හීන් ඉකිබිදුමක් ඇසෙන්නට විය.ඒ කිසිවෙක් නොව පෙඩීය.තම දයාබර ආරක්ෂකයාගේ අවසානය මෙතරම් ඛේදවාචකයක් වේවියැයි ඔහු කිසිසේත් නොසිතන්නට ඇත.වින්සන් තම පියාගේ විශ්වාසවන්තම ආරක්ෂකයා වීමටත් වඩා ඔහු ධනවංශ පවුලේ සමීපතමයෙක් විය.පෙඩී දුර බැහැරක ට යනවා නම් ඔහු ලගම රැදෙන වින්සන් අවශ්‍ය දෙයක් හැරුණු කොට කට මැත නොදොඩන්නෙකි.එකවර කිහිපදෙනෙකු බිම දැමිය මැකි පොර මල්ලෙකු වන වින්සන්ගේ මරණය ආරංචි වුවහොත් තම පියා ගව් ගාණක් දුර උනත් සොයා පැමිණෙනු නිසකය.
"ටිලෝ ඔය කරත්තේ ආවරණය රෙද්ද ගලවලා ගන්නවා.මේ සිරුර එකේ ඔතලා කැලේට අරන් යමු.මම වලක් කපන්නම්"
කරත්ත ආවරණ රෙද්ද ගැලවීමට පෙඩී තරමක් අකමැති වූයේය.එහෙත් පසු ව ඔහු තම අකමැත්ත යටපත් කරගත්තේය.
"පෙඩී ,ඔහේ කරත්තෙට වෙලා ටිකක් ඉන්නව.මයුරි ත් ඉන්නවනෙ.ගන්නව මේ තුවක්කුව කොකා ගස්සන විදිහ දන්නවනෙ"
පෙඩී හිස වැනුවා පමණි.පැවති තත්වය ඔහුව ගොළුවකු කරදැමුවාදැයි මොරිස්ට සිතුණි.
පැන නැගුණු තත්වය හමුවේ වෙනත් විකල්පයක්ද ඔවුන් හමුවේ නොමැති විය.
*************************
මැක්රන් මන්දිරයට අයත් භූමි භාගය අතීතයේදී වත් අතිශය ජනප්‍රයත්වයට පත් වූ තැනක් නොවුනි.අන්ධකාරය බූටෑව රාත්‍රියේ දිස්වූයේ තද නිල්පැහැගත් පෙනුමකි.මාර්ගයට මායිම් වනයට පා නැගූ මොරිස් කරත්ත ආවරණයෙන් එතූ වින්සන්ගේ නිසල සිරුර කරමත තබාගෙන මයුරි පසුපස ගමන් කරන්නට විය.
"අපි තව ගොඩක් ඇතුලට යනව ද මොරිස්"
" එහෙම උනොත් අපිටත් වෙන්නෙ වින්සන්ට සිද්ධවෙච්ච දේ"
ඊළග මොහොතේදී වනය ඇතුලෙන් විලාපයක් අැසෙන්නට විය.බිය පත් වූ මයුරි මොරිස් අසලම දැවටුනාය.
මයුරිත් මොරිසුත් වනය තල අතරමංවේ ද...
මායා මන්දිරය අට වැන්‍න ලගදිම
©නදීෂ නිර්මාණ හේරත්
ලියන්නෙ නැද්ද ආයේ
ReplyDelete